Kapet veliera me drogë që ushëtonte nga Shqipëria drejt Italisë, disa të arrestuar

Një operacion ndërkombëtar anti-drogë është zhvilluar këtë të martë nga policia shqiptare dhe SPAK në bashkëpunim me Guardia di Finanza-n.

Një sasi lënde narkotike është kapur në një velierë që udhëtonte nga Shqipëria në drejtim të brigjeve italiane.

Burime për Euronews Albania bëjnë me dije se deri më tani janë arrestuar 6 persona, mes tyre edhe dy shtetas ukrainas pronarë të mjetit lundrues.

Gjithashtu bëhet me dije se janë shoqëruar disa persona të tjerë, ndërkohë ditën e nesërme priten të jepen detaje të mëtejshme nga policia në lidhje me operacionin dhe sasinë e drogës që është kapur.

LEXONI GJITHASHTU:

• Policia deklaratë zyrtare: Ekstazia e sekuestruar në vlerë tregu 400 mijë euro
• EMRAT| Këta janë të arrestuarit nga megaoperacioni ku u kapën 10 mijë doza ekstazi