Kapshticë/ U kap me 30 mijë dollarë të padeklaruar, procedohet 54-vjeçarja

Një 54-vjeçare banuese në Kanada është proceduar penalisht pasi u kapë nga policia kufitare në Kapshticë me 30.000 dollarë kanadezë të padeklaruara.

Paratë e gjetura në çantën e dorës u sekuestruan në cilësinë e provës materiale

Njoftimi i policisë

Shërbimet e Stacionit të Policisë Kufitare Kapshticë, në vijim të punës për parandalimin dhe goditjen e paligjshmërisë, në kuadër të kontrolleve të shtuara, bazuar dhe në analizën e riskut, në dalje të Republikës së Shqipërisë, kanë kaluar në vijën e dytë, për kontroll të imtësishëm një autobus linje, me të cilin udhëtonte si pasagjere shtetasja S. Th., 54 vjeçe, banuese në Kanada.

Gjatë kontrollit të ushtruar, 54-vjeçares iu gjetën në çantën e dorës 30 000 dollarë kanadezë të padeklaruara. Shuma e monetare u sekuestrua në cilësinë e provës materiale.

Veprimet e mëtejshme procedurale u kryen nga specialistët për Hetimin e Krimeve të DVKM Korçë, të cilët referuan materialet në Prokurori, për veprën penale “Mosdeklarimi në kufi i të hollave dhe sendeve me vlerë”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• “Jo vetëm Berisha”, gazetari zbulon emrin: Ky politikan i lartë mund të arrestohet
• Rama inspekton punimet e Lungomare 3, refuzon të komentojë Berishën