Karantinë për emigrantët që vijnë nga Greqia, Andi Bushati: Bëhet për arsye elektorale

Vendimi i Komitetit Teknik të Ekspertëve për të vendosur karantinë për emigrantët që vijnë nga Greqia ka ngjallur debat në vendin tonë. Kjo temë u diskutua në emisionin “Shock” në Euronews Albania.

Analisti Andi Bushati u shpreh kritik ndaj anëtarëve të Komunitetit Teknik të Ekspertëve, ndërsa tha se vendimi i tyre ka prapavijë politike.

“Disa gjynahqarë që mezi presin rrogën e rilindjes në fund të muajit po ndërhyjnë në mënyrë brutale në fushatë. Kush është ndërhyrja? Është mos-lënia e emigrantëve të vijnë dhe të votojnë”, tha ai.

Pengesa ndaj emigrantëve thotë Bushati është ndërhyrje e qartë në fushatën elektorale të 25 prillit.

“Një vend që në mënyrë barbare po eksperimenton imunitetin e tufës u kujtuan se virusi do na vijë nga Greqia, nga emigrantët. Kjo bëhet për arsye elektorale”, tha Bushati”, tha ai.