Katari dhe Arabia Saudite kundërshtojnë zhvendosjen e palestinezëve

Katari dhe Arabia Saudite kanë kundërshtuar kategorikisht zhvendosjen e dhunshme të palestinezëve brenda Gazës, pasi Izraeli u bëri thirrje banorëve të largohen nga veriu i territorit dhe të shkojnë në jug.

Në një deklaratë për media ministria e jashtme të Katarit bën thirrje për “heqjen e rrethimit të Rripit të Gazës dhe sigurimin e mbrojtjes sipas ligjeve ndërkombëtare dhe humanitare pë rtë gjithë civilët e Gazës.

Vërejtje të ngjashme u postuan në rrjetin social “X” dhe nga ministria e jashtme saudite.

Arabia Saudite bëri thirrje gjithashtu për sigurimin e ndihmave dhe furnizimeve mjekësore për banorët e Gazës.

“Mohimi i këtyre nevojave themelore për të jetuar me dinjitet përbën shkelje të ligjit ndërkombëtar humanitar”, thuhet në reagimin e Arabisë Saudite.

Kujtojmë se Izraeli parlajmëroi banorët e Gazas këtë të premte të zhvendosen nga veriu në jug, pasi në orët në vijim pritet të nis dhe ofensiva ushtarake e këmbësorisë.

Janë 1.1 milionë banorë të cilët pritet të zhvendosen, teksa përballen me mungesën e energjisë elektrike, karburantit dhe sasi të kufizuara ushqimesh.

Banorët e Gazës janë fotografuar duke bërë paketimet dhe duke u përpjekur të lëvizin drejt zonave të sigurta.

Nga ana tjetër Hamasi u ka bërë thirrje popullatës civile që t’i injorojnë thirrjet e izraelit dhe të mos zhvendosen në jug.