Katër shqetësimet e biznesit sipas Dhomës Amerikane të Tregtisë

Dhoma Amerikane e Tregtisë identifikon katër pika, ku ka nevojë për përmirësime të ndjeshme të politikave, rregulloreve dhe sidomos zbatimit të ligjeve për të përmirësuar klimën e biznesit.

Në fjalën e mbajtur në Asamblenë e Përgjithshme të Dhomës, kreu i saj Enio Jaço renditi si pikë të parë zbatimin e ligjit për konsultimin publik. Dhoma ka kritikuar më herët moszbatimin e kritereve dhe të afateve të vendosura në këtë ligj. Herën e fundit kritikat u shprehën gjatë diskutimeve në Kuvend për ndryshimet në Paketën Fiskale për vitin e ardhshëm.

Pika e dytë lidhet me politikat nxitëse për tërheqjen e investimeve të huaja. Dhoma Amerikane ka kërkuar hartimin e një legjislacioni unifikues e të thjeshtuar, që të zëvendësojë normat e rregullat e shumta e komplekse që janë në fuqi aktualisht.

Shqetësimi i tretë lidhet me korrupsionin e zyrtarëve në nivelet të mesme dhe të larta. Dhoma kërkon instalimin e paketave për të luftuar fenomenin. Dhoma Amerikane kërkon gjithashtu rritje të transparencës dhe të standardeve të dhënies së tenderave.

Enio Jaço, kreu i Dhomës tha gjithashtu se situata e globale e kombinuar me një ekonomi të brishtë lokale, me një ritëm të paprecedent emigrimi të fuqisë punëtore dhe me një dobësim të ndjeshëm të fuqisë konsumatore, presionet tek bizneset shqiptare janë bërë të jashtëzakonshme.

LEXONI GJITHASHTU:

• Berisha: Më 6 dhjetor do të jetë protesta e radhës e opozitës
• Porti s’bëhet pa dijeninë e SHBA, ironia e Ngjelës: Pse nuk shkon Berisha t’i lutet?
• Kryeministri japonez: Raketa e Phenianit ka rënë në një zonë ekskluzive ekonomike