Tre të vdekur dhe mbi 400 të infektuar të rinj me Covid-19

Ministria e Shëndetësisë dhe e Mbrojtjes Sociale thotë se tre qytetarë kanë humbur jetën si pasojë e coronavirus, ndërsa janë evidentuar 447  të infektuar të rinj në 24 orët e fundit.

Aktualisht në katër spitalet Covid po marrin mjekim 295 pacientë, 32 janë në terapi intensive, ndërsa katër prej tyre janë të intubuar. Pavarësisht numrit të rasteve të reja si tregues pozitiv shihet edhe numri i të shëruarve.

Sipas Ministrisë së Shëndetësisë, në orët e fundit janë shëruar 295 qytetarë, duke e çuar numrin e të shëruarve 34,648, që nga fillimi i epidemisë.

Shpërndarja gjeografike e rasteve aktive sipas qarqeve:
Tiranë 13637
Fier  1689
Shkodër  1308
Durrës  1203
Vlorë   962
Korçë    967
Lezhë  923
Elbasan 884
Berat  770
Gjirokastër 488
Kukës 411
Dibër  355.

Në Shqipëri qarku më i prekur nga Covid-19 mbetet Tirana, i cili kryeson si për numrin e të infektuarve ashtu edhe për të vdekurit. Që nga fillimi i epidemisë dhe deri sot kanë humbur jetën 1193 pacientë, ku shumica prej tyr, raportohet se kanë qenë me sëmundje të tjera bashkëshoqëruese.

Autoritetet shëndetësore kërkojnë nga qytetarët të tregohen vigjilentë dhe të respektojnë masat e përcaktuara nga organet përkatëse. Zbatimi i masave sipas tyre është një akt i thjeshtë, por tepër i rëndësishëm në bllokimin e përhapjes së gjerë të Covid-19 në popullatë.