Pesë të vdekur dhe rreth 600 raste të reja me Covid-19

Ministria e Shëndetësisë thotë se pesë qytetarë kanë humbur jetën nga Covid-19 në 24 orët e fundit, ndërsa janë evidentuar edhe 581 raste të reja.

Aktualisht në 4 spitalet Covid po marrin mjekim 276 pacientë, 32 në terapi intensive, nga të cilët pesë janë të intubuar.

Ministria thotë se krahas rasteve të reja janë shëruar edhe 465 qytetarë, duke e çuar kështu numrin e të shëruarve 40,090, që nga fillimi i pandemisë.

Shpërndarja gjeografike e rasteve aktive sipas qarqeve:
Tiranë 14899
Fier  1923
Shkodër   1384
Durrës  1429
Lezhë  1017
Vlorë   1030
Korçë    890
Elbasan  1032
Berat  832
Dibër  552
Gjirokastër 477
Kukës 391.

Qarku më i prekur në Shqipëri nga coronavirus është Tirana. Sipas të dhënave, kjo e fundit ka numrin më të lartë të viktimave dhe të të infektuarve nga Covid-19.

Autoritetet theksojnë se që nga fillimi i pandemisë dhe deri sot në vend janë regjistruar 1270 humbje jete.

Në buletinin ditor të përditësuar me situatën e pandemisë në vend, MSH-ja kërkon nga qytetarët të respektojnë masat dhe të shmangin grumbullimet masive.

Komiteti Teknik i Ekspertëve në një konferencë për media u shpreh se masat kufizuese, që janë aktualisht në fuqi, do vijojnë të mbeten të tilla me një afat të pacaktuar.

Lexoni gjithashtu:

Universitetet mësim online, pedagogia Lili Sula: Jemi në gjendje kritike

Manastirliu: Mësimi në universitete online, fluturimet me Britaninë e Madhe të pezulluara deri më 1 shkurt

Manastirliu: Me COVAX dhe Pfizer do të vaksinojmë 800 mijë shqiptarë