Kedhi: Vrasja e Charlie Kirk, pasojë e klimës së tensionuar politike në SHBA

Në emisionin “Review” në Euronews Albania, anëtari i Departamentit BrainGain të Partisë Demokratike, Nikola Kedhi, dha një deklaratë të fortë lidhur me zhvillimet politike në Amerikë dhe vrasjen e aktivistit konservator Charlie Kirk.

Kedhi u shpreh se e majta amerikane, konkretisht Partia Demokratike, është “marrë peng” nga një grup ekstremistësh të së majtës, të cilët kanë futur ndikimin e tyre në politikën e saj.

Ai e përshkroi vrasjen e Kirk dhe atentatet e dështuara ndaj ish-presidentit Donald Trump si pjesë të një fenomeni më të gjerë, që nuk janë raste të izoluar.

“E majta amerikane ka humbur prej kohësh debatin dhe argumentin politik dhe ka zgjedhur gjuhën e dhunës,” tha Kedhi. Ai citoi deklarata të disa eksponentëve të lartë të Partisë Demokratike, përfshirë një kongresmene 90-vjeçare që sipas tij thoshte se nëse shikon dikë nga kabineti i Trump në publik, duhej krijuar një turmë për ta përzënë si të padëshiruar.

Kedhi përmendi gjithashtu fjalët e Joe Biden kur ishte kandidat, si dhe deklarata të tjera të politikanëve si Nancy Pelosi dhe Kamala Harris, duke nënvizuar se ishin një retorikë që nxit dhunë dhe përçarje.

“Sulmet ndaj Kirk dhe Trump nuk janë ngjarje të veçanta, por pasoja e një klimë politike të ndarë dhe të dhunshme në SHBA,” përfundoi ai.

LEXONI GJITHASHTU:

• “Ke frikë të flasësh”, pastor Doçi: Me vrasjen e Kirk, u vra debati politik në SHBA
• Mediu rrëfen takimin me Charlie Kirk: U kthye në një problem për politikën amerikane