Keir Starmer merr zyrtarisht detyrën e kryeministrit të Britanisë së Madhe

Lideri i Laburistëve Keir Starmer sapo është bërë zyrtarisht kryeministri i ri i Mbretërisë së Bashkua, pas marrjes së autorizimit nga me Mbretin Charles për formimin e kabinetit qeveritar.

Vendimi vjen pasi kryeministri në largim Rishi Sunak njoftoi paraditen e së premtes largimin nga posti i kryeministrit të Mbretërisë së Bashkuar, pas humbjes së rëndë të konservatorëve në zgjedhjet e përgjithshme.

Në një deklaratë nga Doëning Street, Sunak theksoi se gjatë kohës në krye të qeverisë dha maksimumin e tij, por ka shtuar se verdikti i qytetarëve është një leksion që duhet të dëgjohet.

Gjatë ditëve në vijim, udhëheqësi i ri do ta fillojë emërimin e ministrave të Qeverisë, duke filluar nga postet e larta dhe duke kaluar në role me më pak përgjegjësi.

Parlamenti pritet ta rinisë punën më 9 korrik. Kryetari i Dhomës së Ulët të Parlamentit do të zgjidhet nga radhët e deputetëve të Parlamentit.

Secili deputet më pas do ta bëjë betimin për besnikëri ndaj mbretit ose do ta bëjë një pohim solemn (deklarim se do ta thotë të vërtetën). Kjo procedurë zakonisht zgjat disa ditë.

Hapja e Parlamentit dhe Fjalimi i Mbretit, që përcakton programin e legjislacionit të Qeverisë për seancën parlamentare, priten më 17 korrik, megjithëse kjo datë mund të ndryshohet nga Qeveria e ardhshme.

LEXONI GJITHASHTU:

• Zgjedhjet në Britani: Laburistët shënojnë fitore bindëse, Sunak e pranon humbjen
• “Marr përgjegjësinë për humbjen”- Jep dorëheqjen kryeministri britanik Rishi Sunak