“Marr përgjegjësinë për humbjen”- Jep dorëheqjen kryeministri britanik Rishi Sunak

Kryeministri Britanik, Rishi Sunak, ka dhënë dorëheqjen si lider i Partisë Konservatore dhe kryeministër i Britanisë së Madhe pasi Laburistët shënuan një fitore spektakolare në zgjedhje.

Sunak pati një takim me Mbretin Charles, ku i komunikoi vendimin për dorëheqjen nga posti i kryeministrit.

“Dua të them, para së gjithash, më vjen keq, i kam dhënë gjithçka kësaj pune”, tha ai në shkallët e Downing Street, teksa njoftoi largimin.

“Kam dëgjuar zemërimin tuaj, zhgënjimin tuaj dhe marr përgjegjësinë për këtë humbje”, tha ai.

Ai shtoi: “Jam i nderuar që kam qenë kryeministër juaj, ky është vendi më i mirë në botë”.

Konservatorët kanë shënuar rezultatin më të dobët në histori, duke marrë vetëm 121 vende nga 650 të tilla në parlament.

Pak çaste përpara se të mbante fjalimin e tij, Z. Sunak shkroi në X: “Unë i kam dhënë gjithë kësaj pune. Por ju keni dërguar një mesazh të qartë dhe gjykimi juaj është i vetmi që ka rëndësi”.

Në orët në vijim lideri i laburistëve, Keir Starmer do të zhvillojë, një takim me Mbretin ku pritet të marrë autorizimin për formimin e qeverisë së re.

LEXONI GJITHASHTU:

• Zgjedhjet në Britani: Laburistët shënojnë fitore bindëse, Sunak e pranon humbjen
• Keir Starmer merr zyrtarisht detyrën e kryeministrit të Britanisë së Madhe