“Kemi 4 muaj që e mbajmë gjallë protestën”, studenti i mjekësisë: Nuk do përçahemi

Studenti i mjekësisë, Rei Haluli tha në një intervistë për Euronews Albania se kanë 4 muaj që e mbajnë gjallë protestën dhe do vazhdojnë me po të njëjtin ritëm deri në realizimin e kërkesave të tyre.

Ai tha se po mbyllet java e dytë e bojkotit, së shpejti do të nisë e treta dhe studentët nuk kanë ndjerë asnjë lloj presioni nga pedagogët, të cilët i mbështesin në këtë kauzë.

“Protestat do të vazhdojnë. Format që ne kemi zgjedhur sot për sot, janë bojkoti sepse edhe bojkoti është një formë e shprehjes së revoltës dhe madje është më e madhe se protesta sepse të mos hysh fare në auditorë është guxim më i madh se protesta, sidomos nga studentët e mjekësisë që vërtetë janë të pasionuar pas mësimit. Për më tepër ne do duhet të diskutojmë me njëri-tjetrin. Çdo vendim që kemi marrë e kemi marrë në demokraci të plotë,” – u shpreh Haluli.

LEXONI GJITHASHTU:

• Studentët e mjekësisë bllokojnë autobusët urbanë, kërkojnë takim me ministren
• Studentët e mjekësisë vijojnë protestën, kërkojnë dorëheqjen e ministres së Arsimit