Studentët e mjekësisë bllokojnë autobusët urbanë, kërkojnë takim me ministren

Studentët e Mjekësisë kanë vijuar edhe të mërkurë protestën kundër ligjit që i detyron të punojnë 5 vjet në vend ose të paguajnë të plotë tarifën e studimit.

Ata janë grumbulluar para Ministrisë së Arsimit ndërsa janë ulur në tokë duke bllokuar qarkullimin e mjeteve të transportit urban.

Studentët thanë se kanë kërkuar takim me ministren e Arsimit që ka refuzuar t’i presë.

Bojkoti dhe protesta e studentëve të mjekësisë vjen pasi ata kundërshtojnë ligjin e ri, i cili i detyron të punojnë 5 vite në Shqipëri pas mbylljes së studimeve.

Studentët nga vitit i dytë deri në vitin e katërt do të punojnë tre vite pas diplomimit, ndërsa studentët e vitit të pestë dhe të gjashtë dy vite pas diplomimit.

Në kundërshtim të këtij detyrimi, studentët që janë tashmë pjesë e sistemit  do të duhet të paguajnë koston reale të studimeve për çdo vit të mbetur.

Ndërkohë, që nuk ka një vendim të institucioneve në lidhje me pagesën që do të duhet të paguajnë studentët nëse nuk do ta firmosin marrëveshjen.

LEXONI GJITHASHTU:

• Studentët e mjekësisë vijojnë protestën, kërkojnë dorëheqjen e ministres së Arsimit
• Studenti i mjekësisë: Nuk dua të largohem, por qeveria na futi “thikën” pas shpine