“Kemi plagë të njëjta”, Vjosa Osmani takim me presidentin e Sirisë Ahmed al-Sharaa

Presidentja e Kosovës Vjosa Osmani ka zhvilluar këtët të premte një takim me presidentin e Sirisë, Ahmed al Sharaa i cili është në krye të vendit që prej rrëzimit të regjimit të Bashar al-Assad.

Me anë të një postimi në Facebook, presidentja Osmani është shprehur se Kosova dhe Siria ndajnë plagë të njëjta si dhimbja e luftës, shpërngulja dhe sfidat e rindërtimit ndaj ky takim hap kapituj të rinj bashkëpunimi mes dy vendeve. Ajo shprehet gjithashtu se Kosova është e gatshme të  ndajë me Sirinë përvojën e saj në ndërtimin e institucioneve demokratike.

Populli i Kosovës dhe populli i Sirisë kanë përjetuar vuajtje të panumërta nga regjime diktatoriale e gjenocidale, në luftën e tyre për të qenë të lirë.

Sot, me Presidentin e Sirisë së lirë, z. Ahmed al Sharaa, kishim takimin tonë të parë për ta hapur kapituj të ri bashkëpunimi ndërmjet dy vendeve tona.

Kosova dhe Siria ndajnë plagë të njëjta: dhimbjen e luftës, shpërnguljen, e sfidat e rindërtimit, ndaj Kosova është e gatshme ta ndajë përvojën e saj në ndërtimin e institucioneve demokratike.

LEXONI GJITHASHTU:

• Osmani takon Erdogan: Turqia mbetet partnere e rëndësishme e Kosovës
• Osmani takohet me Presidentin Milanoviç: Kroacia, një aleate e çmuar e Kosovës