“Keni dy fëmijë, mendoni për ta”| Miratohet mbrojtja për gjytaren që u kërcënua

Komisioni për mbrojtjen e magjistratëve miraton kërkesën e gjyqtares Arnisa Këlliçi për mbrojtje të posaçme.

Mbrojtja e posaçme nga garda e republikës është miratuar për një afat kohor 3 mujor me të drejtë rishimimi në fund të këtij afati.

Vendimi erdhi pas kërkesës në KLP të gjyqtares së Shkallës së Parë në Tiranë, ku kërkonte mbrojtje fizike pas marrjes së një letre kërcënuese.

Në përmbajtjen e letrës kërcënuese gjyqtarja tha se përmendeshin dhe fëmijët e saj.

“E dashur Arnisa. Keni dy fëmijë ….. dhe ….. Mendoni për ta! Si mund të rroni ju, e jo ata e kjo është e vërtetë. Me respekt”, thuhet mes të tjerash në letër.

Kërkesa e gjyqtares:

Të nderuar!

Para pak ditësh më është bërë me dije nga Kancelari i kësaj Gjykate që kundrejt meje, gjyqtares Arnisa Këlliçi, ka patur një kërcënim me jetë.

Për këtë fakt unë nuk kam prova, por më është bërë me dije se ka një kallëzim të depozituar nga ana e Kancelarit të Gjykatës së Shkallës së Parë të Juridiksionit të Përgjithshëm Tiranë.

Sot më datë 20.01.2024, më ka ardhur një letër kërcënuese, që me aq sa mund të deshifroj përmban kërcënime për mua, fëmijët e mi dhe familjen time.

Unë nuk mund të atestoj në asnjë moment për vërtetësinë e kësaj letre.

Thënë kjo, për çdo eventualitet, unë kërkoj një mbrojtje të posaçme, për aq sa ju e shihni të nevojshme.

LEXONI GJITHASHTU:

• Gjyqtarja në Tiranë kërkon mbrojtje: Më kërcënuan me jetë
• Berisha kërkon zbutjen e masës së sigurisë, në dorë të gjyqtares që liroi Malltezin