“Keni falsifikuar procesverbalin, të anullohet seanca”, Vasili përplaset me Nikollën

Deputeti i Partisë së Lirisë Petrit Vasili është përplasur me kryetaren e Kuvendit Lindita Nikolla dhe shkak është bërë procesverbali që sipas deputetit të opozitës është i falsifikuar.

Ai ka kërkuar që seanca të ndërpritet dhe Nikolla të japë një sqarim në lidhje me procesverbalin duke shtuar se seanca plenare e Kuvendit nuk mund të bëhet viktimë e problemeve personale të kreu të qeverisë Edi Rama.

Nga ana tjetër Nikolla ka kundërshtuar duke thënë se akuza e Vasilit nuk është e vërtetë.

Vasili: Gjithë parlamenti  dhe shqiptarët presin të dinë se kush e mori vendimin për pezullimin e anëtarëve të opozitës që të diskutojnë. Në momentin që ju merrni një vendim anti-kushtetues ai duhet të pasqyrohet. Ça është këtu, pazari i gjësë. Seanca do të bëhet viktimë për hallet që ka kryeministri? Kush e vendosi? Nëse nuk e zgjidhni këtë punë ndalojeni seancën. Më thoni kush e mori vendimin. Ua bën me sy nga salla? Sqaroni se ky do të thotë falsifikim. Salla e parlamentit nuk është pronë e jotja. Keni marrë një vendim që nuk është në procesverbal. Të ndalet seanca dhe të sqarohet kush e ka falsifikuar  procesverbalin.

Nikolla: Mos ngrini pretendime të kota. Është i pavend të thoni që procesverbali është i manipuluar. Procesverbali është dhe në media. U sjell në vëmendje nenin 116 të rregullores. Nëse keni ardhur me qëllim për të marrë peng Kuvendi kjo nuk do të ndodh.

LEXONI GJITHASHTU: 

• “Mos bërtisni”- Përplasje në Kuvend, Zhupa: Pa ardhur Rama nuk ka seancë normale
• “Ta mbash mend mirë”- Kaos sërish në Kuvend, Baçi-Nikollës: Thërrisni Ramën