Kequshqyerja e fëmijëve në Shqipëri, Hyska: Problem mbetet mbipesha

Kequshqyerja e fëmijëve vijon të jetë në sfidë globale. Shumë shtete kanë probleme me nën ushqyerjen. Organizata Botërore e Shëndetësisë vlerëson se në vitin 2022, 45 milion fëmijë vuajtën nga uria akute. Shqipëria duket se ka bërë hapa para sa i takon fenomenit të nënushqyerjes, e cila vërehet tek gjatësia dhe dobësia e fëmijëve në raport me moshën.

 “Shkurtësisë për moshë nga 19 në 11% ky është një tregues shumë përmirësues, nëse i referohemi dobësisë për moshë është një tregues shumë i përmirësuar nga 9% në 2%, ky trend është edhe në raportet e fundit për vitin 2023, dhe në nivel botëror”,-tha specialistja e ISHP, Jolanda Hyska.

Pjesë e keq ushqyerjes është edhe mbi ushqyerja, si pasojë e së cilës, obeziteti ka hyrë në një trend rritës që nuk po arrin të ndalet.

“Prevalencë e mbipeshës dhe obezitetit ka trend në rritje, dhe pse ka patur angazhim për të mbajtur të ulur prevalencën nuk është arritur”,-tha specialistja e ISHP.

Pandemia ndikoi në rritjen e shifrave të obezitetit, por në vendin tonë regjistroi dhe një  trend pozitiv në përmirësimin e zonave të ushqyerjes.

“Ajo që shikojmë me të dhënat paraprake që OBSh ka nxjerr është faksi që Shqipëria është vendi i parë për sa i përket konsumit të frutave dhe perimeve tek fëmijët e moshës 9-9 vjeç”,-tha specialistja Hyska.

Përgjatë pandemisë u vu re që numri i fëmijëve që konsumonin mëngjes në mënyrë të rregullt u rrit, po ashtu dhe konsumi i vakteve së bashku në familje u përmirësua ndjeshëm.

LEXONI GJITHASHTU:

• Rreth 8 milionë fëmijë rrezikojnë të vdesin nga kequshqyerja, sipas UNICEF
• 1 në 3 fëmijë është obez, OBSH: Obeziteti më i shprehur tek djemtë