Kërcënimet kibernetike/ Igli Tafa: Të gjitha kërcënimet monitorohen në kohë reale

Zëvendëskryeministrja, njëherësh Ministre e Infrastrukturës dhe Energjisë, Belinda Balluku ka vizituar këtë të premte Qendrën Operacionale të Sigurisë Kibernetike (AKCESK), ku monitorohen në kohë reale të gjitha kërcënimet kibernetike në vendin tonë.

Ajo është mirëpritur nga Igli Tafa, Drejtor i Përgjithshëm i AKCESK, i cili ka shpjeguar hap pas hapi procesin në këtë qendër operacionale të sigurisë.

“Të gjitha këto shërbime gjatë aktivitetit të punëve të tyre të përditshëm gjenerojnë alerte dhe kontrollohen në kohë reale se çfarë kritikaliteti ka. Në rastin kur shikohet një kritikalitet që vjen nga një institucion i caktuar, atëherë fillon proceduara e punës duke e regjistruar këtë problem, duke e analizuar, duke tentuar për ta parë më mirë situatën, për ta reduktuar problemin dhe më pas situata kalon në qoftë se nuk zgjidhet te shtresa tjetër, te ekspertët dhe bëjnë një analizë më të detajuar të situatës”, tha ai.

Ndërkohë Balluku u shpreh se gjithë situata apo kontrolli ndodh gjatë shkëmbimit që ka vendi ynë me palët.

“Vetëm në grupet e monitorimit operacional, ne kemi 25 djem e vajza që punojnë 7 ditë 24 orë. Por çfarë është më e rëndësishmja ne duhet të flasim dhe për atë që ju e quani diplomaci kibernetike, që është shkëmbimi i eksperiencave apo dhe i momentit të atakut me palët e huaja që tani janë kthyer dhe në partnerë tanët. Tani e gjithë situata apo kontrolli ndodh gjatë shkëmbimit që ne kemi mes palëve”- shtoi Balluku.

LEXONI GJITHASHTU: 

• Shkolla me vetëm një nxënëse, vogëlushja në lot kërkon mësues
• Drejtori Goxhaj: Zjarrfikësit, me probleme të frymëmarrjes nga tymi