Drejtori Goxhaj: Zjarrfikësit, me probleme të frymëmarrjes nga tymi

Shkëlqim Goxhaj, drejtor i zjarrfikëses foli në lidhje me zjarrin që përfshiu ditën e djeshme një pallat në zonën “21 Dhjetori” në Tiranë.

Në një intervistë për emisionin “Good Morning Albanians” në Euronews Albania, Goxhaj theksoi se sapo kanë mbërritur forcat zjarrfikëse fillimisht janë evakuuar të gjithë banorët.

Ai theksoi se në banesën që ra zjarri s’ka pasur banorë ndërsa shtoi se kanë qenë vetëm punonjësit e zjarrfikëses që kanë pasur probleme me frymëmarrjen për shkak të tymit por që tashmë janë mirë.

“Sapo kanë mbërritur forcat zjarrfikëse, fillimisht janë evakuuar të gjithë banorët. Në banesën që ka rënë zjarr nuk ka pasur banorë. Kemi pasur punonjësit  tanë që kanë pasur problem me frymëmarrrjen.  Gjendja e stafit është shumë mirë, dhe punonjësi jonë që shkoi për mjekim të specializuar në QSUT, mbrëmë në orët e vona ka shkuar në shtëpinë e tij”- tha ai.

LEXONI GJITHASHTU: 

• Drejtori i zjarrfikëses-inxhinierëve: Përdorni materiale rezistente ndaj zjarrit
• EMRI| Aksidentohet me skuter, ndërron jetë 38-vjeçari shqiptar, baba i tre fëmijëve