Kërcënimi për përjashtimin e Berishës, Bylykbashi: Anëtarësia nuk trembet, përgjigjen e merr më 11 dhjetor

Deputeti i Partisë Demokratike, Oerd Bylykbashi shprehet se Sekretari i Përgjithshëm i PD nuk ka asnjë tagër për të bërë verifikimin e firmave të mbledhura nga Berisha.

Sipas tij këto “kërcënime të Bashës për partinë” nuk e trembin anëtarësinë e PD.

Bylykbashi tha se  dorëzimi i firmave bëhet vetëm në Kuvend dhe aty realizohet dhe verifikimi i formularëve.

Deputeti demokrat paralajmëroi ndryshimin e statutit në mbledhjen e Kuvendit Kombëtar të PD ku do t’i kufizohen kompetencat kryetarit.

“Ne kemi kryetarin e partisë që kërcënon se do të shkarkojë të gjithë anëtarësinë e partisë dhe thotë se unë do të qëndroj sa më gjatë në krye të PD. Më duhet vetëm vula dhe logo, kaq”, u shpreh ai.

LEXONI GJITHASHTU:

• Bylykbashi: Kuvendi Kombëtar mund të shkarkojë Bashën më 11 dhjetor
• Bylykbashi ‘nuk njeh’ Kryesinë e PD: Është në shkelje flagrante të Statutit