Kërcenohet me armë zjarri një person në Kurbin, shpallen në kërkim dy autorët

Një person në Kurbin është kërcënuar me armë zjarri mbrëmjen e ditës së sotme.

Policia bën me dije se rreth orës 19:00, në lagjen “Demokracia”, Mamurras, pas një konflikti të çastit për motive të dobëta, shtetasit Paulor Noka dhe Romario Gjoni, banues në Mamurras, kanë kanosur shtetasin Shtjefen Ndreka duke qëlluar me armë zjarri në drejtim të banesës së tij.

Mësohet se janë ngritur pika kontrolli, si dhe vijon kontrolli i zonës, me qëllim lokalizimin dhe kapjen e dy autorëve të dyshuar.

Grupi hetimor, nën drejtimin e Prokurorisë, vijon veprimet hetimore në vendin e ngjarjes, me qëllim zbardhjen e plotë dhe dokumentimin ligjor të ngjarjes.

LEXONI GJITHASHTU: 

• 22 qytetarë të infektuar, situata e Covid-19 në vendin tonë në 24 orët e fundit
• Mblidhet kryesia e PS, priten emrat e kandidatëve për kryetarë bashkie