Kërcënoi me plumba gjyqtarët, arrestohet xhaxhai i Elvis Shkambit

Policia e Shkodrës ka arrestuar Gjovalin Shkambin, xhaxhain e Elvis Shkambit i cili një ditë më parë vrau me armë zjarri gjyqtarin Astrit Kalaja në sallën e Gjykatës së Apelit.

Gjovalin Shkambi, 49 vjeç u vu në pranga Sektori i Krimeve të Rënda, në bashkëpunim me shërbimet e Njësisë Rajonale të Antiterrorit Shkodër dhe me mbështetjen e shërbimeve të Forcës së Posaçme “Shqiponja” të DVP Shkodër menjëherë pas deklaratave kanosëse të bëra në media ndaj gjyqtarëve pas krimit të rëndë të kryer nga nipi i tij.

Ai akuzohet për veprat penale “Kanosja e gjyqtarit” dhe “Kanosja për kryerjen e veprave me qëllime terroriste”.

Në një deklaratë për mediat të martën, Shkambi kërcënoi se cilido gjyqtar që do të guxonte të dënonte nipin e tij di të kishte të njëjtin fund si Kalaja.

“Kushdo qoftë ai gjyqtar që do ta dënojë nipin tim Elvisin, do përballet me të njëjtën gjë. Ai gjyqtar që do ta dënojë, do përballet me plumba! S’ka gjyqtar që guxon me e dënu Elvisin, sepse do pësojë si Astrit Kalaja. Ai gjyqtar që dënon ato me Kolin e Klisman e me mua ka të njëjtin shpërblim, provat i dhamë, s na e përdhunon kush pronën. Nuk i druhem hakmarrjes hiç. Kush dënon atë djalë do përballet në gjykatë me plumba. Nuk ka gjyqtarë që e dënon se do t’i hajë plumbat si Astrit Kalaja”, tha Shkambi.

LEXONI GJITHASHTU:

• Mediat botërore raportojnë për vrasjen e gjyqtarit Astrit Kalaja në sallën e gjyqit
• Kërcënoi se do vriste çdo gjyqtar që do i dënojë nipin, shoqërohet Gjovalin Shkambi