Kërcënoi prokurorin në sallën e gjyqit, arrestohet avokati i Maksim Likës

Avokati Uljan Barjami është arrestuar pas një incidenti të ndodhur në sallën e gjyqit, ku ka kërcënuar një prokuror gjatë zhvillimit të një seance gjyqësore.

Pas arrestimit të ndodhur pak ditë më parë të Maksim Likës, i njohur si Maksim Suçi në Elbasan në një operacion nga policia ka ardhur dhe një reagim nga Dhoma e Avokatisë së Elbasanit për avokatin mbrojtës të tij Uljan Bajrami.

Dhoma Kombëtare e Avokatisë së Shqipërisë ka reaguar pas arrestimit të avokatit Ulian Barjami nga Policia e Elbasanit, duke e cilësuar këtë një veprim të paprecedentë dhe shkelje të hapur të të drejtave të mbrojtjes dhe procesit të rregullt ligjor.

Sipas njoftimit zyrtar të Dhomës së Avokatisë, ngjarja ka ndodhur gjatë një seance gjyqësore të zhvilluar më 17 tetor 2025 në Gjykatën e Juridiksionit të Përgjithshëm në Elbasan, ku Barjami po mbronte shtetasin Maksim Suçi. Në këtë seancë, avokati ka vënë në dyshim vlefshmërinë e një prove video të paraqitur nga prokuroria, duke pretenduar se ajo ishte në kundërshtim me përshkrimin në procesverbalin e hartuar nga prokurori i çështjes, Gjergji Ceka.

Barjami ishte avokati mbrojtës i Maksim Likës, i njohur edhe me pseudonimin “Suci”, një emër që përflitet për lidhje të ngushta me Emiljano Shullazin.