Kërkime mes baltës në Iskia të Italisë, pak shanse për të mbijetuar nga përmbytjet

Ekipet e kërkim-shpëtimit kanë gërmuar në baltë dhe masivet e mbeturinave të akumuluara në ishullin e Iskias për persona të humbur, me shpresën për të gjetur dikë gjallë.

“Ekipet po punojnë në kushte të vështira, ata po gërmojnë me duar pasi për momentin nuk mund të përdorim ekskavatorët. Gjithçka po bëhet me duar dhe lopata, në përpjekje për të hequr sa më shumë material të mundemi në një kohë sa më të shkurtër”, tha Mario Della Corte, zjarrfikës.

Operacioneve të kërkimit u janë bashkuar të rinj dhe vullnetarë.

“Po punojmë për të pastruar shtëpitë nga balta. Situata është e vështirë. Ne lutemi për njerëzit që janë ende të humbur. Një nga shokët tanë të klasës është mes tyre dhe shpresat për ta gjetur gjallë sa vijnë e zbehen”, u shpreh një burrë.

Të hënën, ekipet gjetën trupin e viktimës së tetë. Ai u identifikua nga autoritetet si një djalë 15-vjeçar, familjarët e të cilit u gjetën të vdekur gjatë fundjavës.

LEXONI GJITHASHTU

• Balta përmbyt ishullin italian, viktima dhe të humbur nga moti i keq në Iskia
• Dhjetëra të zhdukur nga përmbytjet në Itali, 200 familje të evakuuara
• Përmbytjet dëmtojnë urat