Kërkoheshin nga drejtësia italiane për trafik droge, kapen dy vëllezërit nga Divjaka

Policia e Shtetit ka kapur dy vëllezër nga Divjaka, të cilët kërkoheshin nga autoritetet italiane, pasi ishin të dënuar me 7 dhe 5 vite burgim për pjesëmarrje në një organizatë kriminale që trafikonte lëndë narkotike.

Në njoftimin e policisë thuhet se, në kuadër të operacionit të koduar “Operacioninalja 64”, u ndaluan vëllezërit Roland Metushi, 47-vjeç, dhe Saimir Metushi, 45-vjeç, të dy banues në Divjakë.

Gjykata e Novarës, Itali, në muajin tetor 2024, ka dënuar shtetasin Saimir Metushi me 7 vjet burgim, ndërsa shtetasin Roland Metushi me 5 vjet burgim, për veprat penale “Organizata kriminale” dhe “Trafikimi i lëndëve narkotike”, njofton Policia.

Materialet procedurale mbi arrestimin provizor të këtyre shtetasve, me qëllim ekstradimin e tyre në Itali, janë referuar në Prokurorinë pranë Gjykatës së Shkallës Parë të Juridiksionit të Përgjithshëm Fier.

Interpol Tirana, në bashkëpunim me Interpol Romën, vijon procedurat për ekstradimin e këtyre shtetasve në Itali.

LEXONI GJITHASHTU:

• EMRI/ Gjendet pa shenja jete një 63-vjeçar në Dragostunjë, çfarë thotë policia
• Vrau të afërmin me armë zjarri, dorëzohet kryeplaku i fshatit Abat në Shkodër