Kërkohet nga Interpoli ne Moskë, Apeli lë në fuqi vendimin për ekstradimin e rusit

Gjykata e Apelit ka lënë në fuqi vendimin për ekstradimin e një shtetasi rus I.K., i cili është arrestuar më datë 26.08.2023, në pikën e kalimit Kufitar Muriqan Shkodër.

Ky shtetas është shpallur në kërkim ndërkombëtar nga Interpol NCB Moskë, referuar vendimit penal administrativ dhënë nga Gjykata e Moskës më datë 18.02.2022.

Gjykata ruse ka caktuar ndaj tij masën e sigurimit “arrest në burg”, si i dyshuar për kryerjen e veprës penale “Marrja e një pozicioni më të lartë në hierakinë kriminale”, parashikuar nga neni 210/1 i Kodit Penal i Republikës së Rusisë dhe dënimi maksimal i kësaj dispozite është 15 vjet burgim.

“Në përfundim të gjykimit, sot më datë 20.03.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Lutfije Celami,  vendosi:

–Lënien në fuqi të vendimit nr.578 (4901), dt.14.11.2023 të Gjykatës së Shkallës së Parë të Juridiksionit të Përgjithshëm Shkodër.

-Një kopje e vendimit ti komunikohet Ministrisë së Drejtësisë së Republikës së Shqipërisë dhe Ambasadës së Federatës Ruse në Republikën e Shqipërisë”,-thuhet në njoftimin e gjykatës.

LEXONI GJITHASHTU:

• “Burri i 42-vjeçares që hodhi fëmijën punonte larg shtëpisë”-gazetarja: Ja çfarë tha
• “Burri i 42-vjeçares që hodhi fëmijën punonte larg shtëpisë”-gazetarja: Ja çfarë tha