Gjykata e Lartë ka lënë në burg ish-Presidentin Ilir Meta.
Në vendimin e marrë këtë të enjte në Dhomë Këshillimi nga gjyqtari Ilir Panda është vendosur rrëzimi i rekursit të ish-presidentit për zbutjen e masës së sigurisë.
Në njoftimin e bërë publik, Kolegji Penal i Gjykatës së Lartë bën me dije se u vendos lënia në fuqi vendimin e Apelit të GJKKO.
Kujtojmë se ish-preidenti Meta është nën hetim nga SPAK për korrupsion, pastrim parash dhe fshehje pasurie, në lidhje me dosjet “CEZ-DIA”, lobimin e ish-LSI në SHBA dhe shpenzimet e familjes së tij.
Pas vendimeve të dy gjykatave të posaçme, ai vijon të mbahet prej katër muajsh në qelitë e burgut “313” në Tiranë.
Ndërkohë, edhe bashkëshortja e tij, Monika Kryemadhi, e cila ndodhet nën masën e sigurisë “detyrim paraqitje”, ka depozituar rekurs, duke e cilësuar masën si të paligjshme.
Ish-presidenti reagoi pas vendimit të Gjykatës së Lartë, duke e cilësuar procesin si të motivuar politikisht.
Në një deklaratë nga burgu, Meta e konsideroi vendimin një “pengesë fiktive” dhe tha se çështja e tij do të dërgohet në Gjykatën Europiane për të Drejtat e Njeriut në Strasburg.
LEXONI GJITHASHTU:
- Gjykata e Lartë e la në burg, reagon nga qelia Ilir Meta
- Meta nga qelia: Reforma në drejtësi e kapur nga mazhoranca, fajtorë ndërkombëtarët
