Kërkoi të marrë pjesë në Kuvend, shtyhet seanca për Berishën në Apelin e GJKKO

Ditën e sotme në Apelin e Gjykatës Kundër Korrupsionit dhe Krimit të Organizuar ishte planifikuar të shqyrtohej kërkesa e ish-kryeministrit Sali Berisha për ta lejuar të marrë pjesë në seancat plenare të Kuvendit.

Por seanca gjyqësore e ditës së sotme u shty dhe për këtë shkak është bërë mosparaqitja e prokurorëve të SPAK.

Seanca e radhës do të mbahet në datën 25 mars, ndërkohë që avokati i Berishës tha se prokurorët munguan për arsye profesionale, pasi kanë qenë të ngarkuar me detyra të tjera.

Kjo kërkesë Berishës iu rrëzua në Gjykatën e Shkallës së Parë Kundër Korrupsionit dhe Krimit të Organizuar.

Kujtojmë se Berisha ndodhet në “arrest shtëpie” për korrupsion në çështjen e privatizimit të ish-kompleksit Partizani.

LEXONI GJITHASHTU:

• Çfarë po kërkon grupi i Berishës nga Rama? Bylykbashi: Harrojeni paqen
• Spiropali: Më mungon Berisha në paralment, nuk kam me kë të replikoj