Këshilli Politik pranon propozimin e opozitës: Nuk ka më zgjedhje në mes të sezonit turistik

Zgjedhjet do të mbahen në periudhat nga 15 prill-15 maj dhe nga 15 tetor-15 nëntor. Ndryshe nga varianti aktual ku presidenti detyrohet të caktojë datën në një nga 2 të dielat e fundit të periudhës, tani presidenti nuk ka kufizim.

Ai mund të dekretojë zgjedhjet në secilën nga të dielat brenda periudhës së re të miratuar. Opozita propozoi shkurtimin e periudhave, në mënyrë që zgjedhjet të mos zhvillohen në periudha që ndikojnë në sezonin turistik, por t’u jepet qytetarëve çdo mundësi për të ushtruar të drejtën e votës.

Këshilli Politik për reformën zgjedhore është mbledhur që nga ora 11:00 e paradites së sotme pas 2 javësh ndërprerjeje për të nisur diskutimin e çështjeve të mbetura të reformës zgjedhore.

Çështjet që kanë mbetur pezull janë ato të ndërtimit të komisioneve zgjedhore, të kompozimit të Kolegjit Zgjedhor të Apelit, të sistemi zgjedhor, roli i policisë në zgjedhje, hetimi i krimeve elektorale dhe financimi i partive dhe fushatave elektorale. Mbledhja e Këshillit Politik vjen pas një presioni të madh që SHBA iu bënë partive politike.

Mund të lexoni gjithashtu:

Çfarë ka ndodhur deri më sot në tryezën e reformës zgjedhore

Ambasadorja e SHBA rikthen Bashën dhe Ramën në tryezën për reformën zgjedhore