Ukraina duhet të tregojë një “vlerësim të thellë” për atë që populli amerikan ka bërë për ta, ka thënë Mike Waltz.

Duke folur gjatë një konference në Shtëpinë e Bardhë, këshilltari për sigurinë kombëtare tha se “disa nga retorika” që dilte nga Kievi dhe “fyerjet ndaj Presidentit të SHBA Donald Trump ishin të papranueshme”.

Kjo pasi Volodymyr Zelenskyy akuzoi Trumpin se jetonte në një “flluskë dezinformimi” pasi fajësoi Ukrainën për luftën – ndaj së cilës Trump u përgjigj, duke e etiketuar udhëheqësin ukrainas një “diktator”.

I pyetur nëse Trump fajëson Rusinë apo Ukrainën për luftën – e cila u nis nga Moska në shkurt 2022 – Waltz nuk dha një përgjigje të drejtpërdrejtë.

Në vend të kësaj, ai foli për një “zhgënjim të shumëfishtë” me Zelenskyy.

“Epo, shikoni, qëllimi i tij këtu është që ta çojë këtë luftë deri në fund”, tha ai, duke iu referuar Trump.

“Dhe ka pasur luftime të vazhdueshme nga të dyja palët. Është një luftë llogore e stilit të Luftës së Parë Botërore”.

LEXONI GJITHASHTU:

• Sekretari britanik i Mbrojtjes kundërshton Trumpin: Zelensky është si Churchill-i
• Republikanë të njohur kundërshtojnë kritikat e Trumpit për Zelenskyn