KFOR dënon dhunën ndaj gazetarëve në Veri: Liria e shprehjes, themelore

KFOR-i ka dënuar përmes një postimi në Twitter sulmet mbi personelin e mediave dhe gazetarëve në Leposaviç.

Në një deklaratë zyrtare KFOR-i, thekson se liria e shtypit dhe shprehjes janë vlera themelore të cilat duhet të respektohen nga të gjithë.

Gjithashtu KFOR i bën apel të dyja palëve që të përmbahen dhe të mos ketë përshkallëzim të përplasjeve.

“KFOR-i i dënon ashpër sulmet ndaj gazetarëve në veri të Kosovës teksa ata ushtronin profesionin e tyre. Liria e shtypit dhe liria e shprehjes janë vlera themelore të cilat duhet të respektohen nga të gjithë”, shkruan KFOR në Twitter.

Sakaq në deklaratën e shpërndarë theksohet: “Liria e shtypit dhe liria e shprehjes janë vlera themelore të cilat duhet të respektohen nga të gjithë. Ne u bëjmë thirrje të gjitha palëve që të përmbahen nga dhuna ose veprimet e mëtejshme që mund të çojnë në përshkallëzim të mëtejshëm dhe të sigurojnë që mediat të mund të kryejnë punën e tyre themelore në mënyrë të sigurt. KFOR-i mbetet reaguesi i tretë dhe Policia e Kosovës mbetet përgjegjëse për sigurimin e sundimit të ligjit në mbarë Kosovën”.

#KFOR strongly condemns attacks on journalists in northern Kosovo as they exercised their profession. Freedom of the press and freedom of expression are fundamental values which must be respected by all. pic.twitter.com/FOkQfJUUA5

— NATO Kosovo Force – KFOR (@NATO_KFOR) June 17, 2023