KFOR-i zbarkon në Jarinje pas protestës së serbëve, vendos tela me gjemba në kufi

Ushtarët e KFOR-it kanë shkuar në Jarinjë sot, për të parandaluar ndonjë përshkallëzim të situatës, pasi nëpër rrjete sociale është folur për një takim të ekstremistëve matanë kufirit.

Mediat e huaja, bëjnë me dije se KFOR-i ka siguruar kufirin me tela të gjembuar, ndërsa të pranishëm janë dhe ushtarët.

KFOR-i ka njoftuar se ditët në vijim do t’i nisë stërvitjet ushtarake pranë bazës në Novosellë.

Sipas asaj që raportohet KFOR-i synon të përgatitet për të reaguar ndaj krizave. Sipas njoftimit në këto stërvitje do të përdoren automjete të rënda ushtarake dhe helikopterë.

“Stërvitja synon t’i trajnojë njësitë e KFOR-it për të garantuar lirinë e lëvizjes në një situatë reagimi ndaj krizave dhe do të konsistojë në një seri simulimesh taktike dhe aktivitete logjistike duke përdorur kolona ushtarake me automjete të rënda inxhinierike dhe helikopterë”, thuhet në njoftim.

LEXONI GJITHASHTU: 

• Protestë në Jarinje, policia serbe ndalon protestuesit që të hyjnë në Kosovë
• Në kërkim ndërkombëtar për vrasje të mbetur në tentativë, në pranga 41-vjeçari
• Pse trendi më cool i Instagramit është perfekt për dhuratë fundviti