English

Kina merr rol aktiv, prezanton planin e paqes në Ukrainë. Kievi pozitiv por skeptik

KOMENTE

SHPERNDAJE
ARTIKULLIN

Text sizeAa Aa

Kina ka prezantuar planin e saj të paqes për Ukrainën, dy ditë pas takimit mes kreut të diplomacisë kineze dhe presidentit rus në Moskë dhe ditën e përvjetorit të nisjes së agresionit rus.

- Advertisement -

Plani me 12 pika, që është publikuar nga zëdhënësi i Ministrisë së Jashtme kineze, reflekton ambiguitetin që Pekini ka mbajtur mbi çështjen e luftës që nga nisja e saj: ajo mbështet sovranitetin ukrainas, por i konsideron legjitime shqetësimet e Rusisë për sigurinë dhe në asnjë pikë nuk flet për agresorin dhe të dhunuarin.

Kina bën thirrje për armëpushim dhe u kërkon palëve të ulen në negociata. Gjithashtu, ajo paralajmëron kundër përdorimit të armëve bërthamore. Vetë Ukraina e konsideron lëvizjen e Kinës pozitive, por vë në dyshim neutralitetin e saj.

“Kina duhet të bëjë gjithçka që ka në pushtetin e saj për të ndalur luftën, rivendosur paqen dhe për t’i bërë thirrje Rusisë të tërheqë trupat. Nëse është neutrale, atëherë Kina duhet të flasë me të dyja palët. Aktualisht ajo flet vetëm me Rusinë dhe jo me Ukrainën”, tha Zhanna Lushchynska, e ngarkuara ruse me punë për Ukrainën në Kinë.

Plani kinez bën thirrje për garantimin e stabilitetit të zinxhirëve të furnizimit, si dhe për garantimin e eksporteve të grurit. Pekini gjithashtu mbështet dërgimin e ndihmave tek refugjatët dhe asistimin për rindërtimin e Ukrainës.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×