SHBA do të japë 10 miliardë dollarë ndihmë për Ukrainën

SHBA ka njoftuar se do të ofrojë mbi 10 miliardë dollarë ndihmë për Ukrainën .

Këtë e ka bërë me dije  sekretari i shtetit Antony Blinken, i cili u shpreh: në koordinim me Agjencinë e SHBA-së për Zhvillim Ndërkombëtar (USAID) dhe Departamentin e Thesarit, ne po njoftojmë mbi 10 miliardë dollarë ndihmë, përfshirë mbështetjen buxhetore për Qeverinë e Ukraina dhe ndihmë shtesë energjetike për të mbështetur ukrainasit që vuajnë nga sulmet e Rusisë.

Blinken tha se fondet janë thelbësore për Ukrainën dhe sigurojnë që qeveria ukrainase mund të vazhdojë të përmbushë “nevojat kritike të qytetarëve të saj, duke përfshirë kujdesin shëndetësor, arsimin dhe shërbimet e urgjencës”.

Ai shtoi se administrata Biden po punon gjithashtu së bashku me Kongresin për të ofruar ndihmë shtesë për energjinë për vendin e shkatërruar nga lufta – një kontribut prej 250 dollarësh që nga ana tjetër do të adresojë “nevojat imediate, duke përfshirë pajisjet kritike të rrjetit të energjisë”.

Ndihma është si shtesë e 270 milionë dollarëve që SHBA ka zotuar tashmë për të ndihmuar në ruajtjen dhe forcimin e sigurisë energjetike të vendit vitin e kaluar.

LEXONI GJITHASHTU: 

• Luarasi: Tirana qytet i mirë për të jetuar por nuk ofron shume për pensionistët
•  “Një i nënës, një i njerkës”, Lapaj: Standardi i dyfishtë vret investimet