Kishin përshtatur ambientin për tharje kanabisi, arrestohet burri, procedohet gruaja

Policia e Krujës ka arrestuar një person dhe ka nisur procedimin në gjendje të lirë ndaj bashkëshortes së tij me akuzën e kultivimit të lëndëve narkotike.

Si rezultat i këtij operacioni u bë kapja dhe arrestimi në flagrancë i shtetasit Xh. I., 60 vjeç, si dhe nisi procedimi në gjendje të lirë për shtetasen Dh. I., 51 vjeçe, të dy banues në fshatin Picërragë.

Këta 2 shtetas kishin përshtatur një ambient në afërsi të banesës së tyre, në fshatin Picërragë, për tharjen e bimëve narkotike.

Gjatë kontrollit në këtë ambient, shërbimet e Policisë gjetën rreth 3.2 kg lëndë të dyshuar narkotike kanabis dhe disa bimë në proces tharjeje, të cilat u sekuestruan në cilësinë e provës materiale, bashkë me 1 armë gjahu, që u gjet gjatë kontrollit në banesë.

LEXONI GJITHASHTU:

• Foto| Babë e bir kapen në doganën malazeze, ku ishin fshehur 300 kilogramë kanabis
• 300 kg kanabis drejt Malit të Zi, babë e bir kapen në doganën malazeze