Kishte kërkuar lirimin nga burgu, Apeli i GJKKO merr vendim për Fredi Belerin

Apeli i Gjykatës së Posaçme kundër Korrupsionit dhe Krimit të Organizuar, ka lënë në fuqi masën e “arrestit me burg” për kryebashkiakun e zgjedhur të Himarës, Fredi Belerin.

Kjo ishte hera e 12-të që Belerit i refuzohej zbutja e masës së sigurisë.

Po ashtu mësohet se seanca u shty me një orë, pasi munguan avokatët e Belerit.

Beleri kishte kërkuar përjashtimin nga çështja të gjyqtares së Apelit të GJKKO, Daniela Shirka.

Kujtojmë se Beleri akuzohet për blerje votash në zgjedhjet e 14 majit.

Njoftimi i Apelit të GJKKO:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Daniela Shirka, sot më 26.01.2024, shpalli vendimin mbi çështjen penale nr. 32 akti, datë 19.01.2024 regjistrimi, regjistruar mbi ankimin e ankuesit Dh.A.B., me objekt: “Ankim ndaj vendimit nr. 522, datë 28.12.2023, të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me: Revokimin ose zëvendësimin e masës së sigurimit personal “Arrest në burg” e caktuar me vendimin nr. 205, datë 13.05.2023 të Gjykatës së Shkallës së Parë të Juridiksionit të Përgjithshëm, Vlorë, vazhduar me vendimin nr. 46 datë 22.05.2023 të Gjykatës së Posaçme të Shkallës së Parë për Korrupsionin dhe Krimin e Organizuar”, dhe vendosi:

Miratimin e vendimit nr. 522, datë 28.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

LEXONI GJITHASHTU:

• Kërkoi leje për t’u betuar si kryebashkiak i Himarës, shtyhet seanca për Belerin
• Kërkoi leje për t’u betuar, Apeli i GJKKO shtyn seancën për Belerin