‘Kishte me vete mjet prerës’, policia reagon për shoqërimin e protestuesit

Drejtoria Vendore e Policisë Tiranë ka bërë të ditur se është është shoqëruar vetëm një protestues nga protesta e sotme, që u zhvilllua para Kryeministrisë.

Përmes një njoftimi, thuhet se shtetasi J. Ç., 25 vjeç është neutralizuar dhe shoqëruar, pasi ky i fundit mbante në dorë një mjet prerës dhe kryente lëvizje të pakontrolluara.

Nga verifikimet paraprake, i riu, nga fshati Gurrëz e Vogël, Lushnjë, rezulton person me probleme të shëndetit mendor.

Sipas policisë, ai mund të cënonte jetën e pjesëmarrësve në tubim dhe të punonjësve të Policisë që ishin në shërbim për të garantuar mbarëvajtjen e tubimit përsa i përket rendit dhe sigurisë.

Pas më shumë se dy orësh, përfundoi protesta kombëtare e opozitës. Në protestë pati 20 folës, ndër to kryedemokrati, Sali Berisha dhe kreu i Partisë së Lirisë, Ilir Meta.

Të dy liderët, hodhën akuza në drejtim të kryeministrit Edi Rama, për shpopullimin e vendit, situatën ekonomike dhe korrupsionin.

Protesta, pas përfundimit të saj, u shoqërua me incidente. Gjithçka filloi pasi Berisha mbaroi fjalën e tij dhe protestuesve iu bë thirrje për të ndezur qirinj në shkallët e Kryeministrisë, në nder të personave që kanë humbur jetën në përplasjet me policinë.

Protestuesit çanë kordonin e policisë dhe hynë në oborrin e Kryeministrisë, ku hodhën bojë në dyert dhe dritaret e godinës.

LEXONI GJITHASHTU

• ‘Protestën e kërkuan njerëzit’, ish-deputetja e PL-së: Është vetëm fillimi
• Dy të shoqëruar pas incidentit në protestë, të rinjtë çanë kordonin e policisë
• Përfundon protesta: Berisha-Meta akuza Ramës, protestuesit çajnë kordonin e policisë