“Kjo nuk është drejtësi”, Mediu pas daljes nga SPAK: Duan “kokë turku” për Gërdecin

Ish-ministri i mbrojtjes Fatmir Mediu ishte këtë të mërkurë në seancën e radhës për dosjen “Gërdeci” ai tha se po vijon “persekutimi personal e familjar” duke e akuzuar atë si përgjegjës për këtë ngjarje të rëndë.

Ai tha se sipas akuzës si ministër i mbrojtjes duhet të dinte gjithçka, pavarësisht se është e vërtetuar me fakte se nuk e zgjodhi ai Gërdecin.

Mediu tha se gjërat janë të qarta dhe për “Gërdecin”, po kërkohet një kokë turku.

“Edhe sot u pa qartë që prej 16 vjetësh vijon persekutim personal e familjar se Mediu ka qenë shkaktar i Gërdecit. Sipas akuzës unë duhet të dija gjithçka. Duhet një “kokë turku” për Gërdecin.

Ekspertët nuk janë të licencuar. Në aktin e ekspertimit nuk kanë firmosur si ekspertë por si përfaqësues të KLSH dhe auditi. E kemi provuar me fakte se nuk është ministri që e zgjodhi Gërdecin.

Nuk mundet pas saldimit baruti të marrë për shkak të nxehtësisë. Kjo u vërtetua edhe nga djali i një prej viktimave. Kjo që kërkon SPAK në akuzë ndodh vetëm në juntat ushtarake. Kjo nuk është më drejtësi”,-tha Mediu.

LEXONI GJITHASHTU:

• “Vrasës”- Përplasje mes Mediut dhe familjarëve të viktimave në gjyqin për “Gërdecin”
• ‘Jam persekutuar 17 vite’- Zbardhet deklarata e Mediut: Gjoja krimineli i Gërdecit