Klasa politike nuk e do hapjen e dosjeve, thotë Vangjel Dule

Deputeti Vangjel Dule thotë se e gjithë klasa politike në vend nuk e do hapjen e dosjeve, për të verifikuar se cilët politikanë kanë qenë bashkëpunëtor të Sigurimit të Shtetit.

Në një intervistë për “Euronews Albania”, Dule u shpreh se këtij procesi duhet t’i shkohet deri në fund dhe sa më shpejt të jetë e mundur.

Ai tha se i është nënshtruar kontrollit të figurës në vitin 1996 dhe shtoi se procesi nuk u krye i plotë për të gjithë politikanët.

“Është i gjithë sistemi. Nuk mund t’i atribuosh vetëm njërës palë, selektivitetin e implemenimit të legjilasiocioni, pak a shumë me doza të ngjashme kanë ndjekur të njëjtën praktikë të dyja palët.

Kjo është e vërteta siç unë e kam jetuar dhe siç unë e kam konstatuar në aktivitetin tim politik. Fatmirësisht procesi po bëhet, duhet t’i shkohet deri në fund, sa më thellë dhe sa më shpejt. Personalisht, i jam nënshtruar kontrolleve të figurës, në vitin 1996”, theksoi ai.

LEXONI GJITHASHTU

• Dosjet e ish-sigurimit, Spiropali: PS e hapur për ndryshimet ligjore
• Spahiu: SHBA ka dosje të politikanëve shqiptarë që kanë qenë pjesë e spiunazhit rus