Klevis Balliu sfidon SHBA-të: Vetëm për Sali Berishën nuk gjeni dot prova

Shefi organizativ në Partinë Demokratike, Klevis Balliu thotë se Shtetet e Bashkuara të Amerikës nuk kanë prova për kryedemokratin Sali Berisha, në lidhje me shpalljen e tij “non grata”.

Në emisionin “Now” në Euronews Albania, Balliu u shpreh se Berisha u shpall “non grata”, pasi kryeministri Edi Rama pagoi ish-zyrtarin e FBI-së, Charles McGonigal.

“Nuk ka nxjerrë një fakt. Nuk ka asnjë dosje. Ne e kuptojmë sesi është bërë “non grata”, duke paguar para nëpër parkingje. Edhe ambasadorja amerikane tha, hetimi ka nisur nga FBI-ja, prandaj nuk kanë fakte dhe prova ata.

Shteti që gjeti Bin Laden-in, nuk gjen dot një letër për Sali Berishën. Është shtet serioz, po të kishin fakte i kishin nxjerrë, por nuk kanë fakte”, theksoi ai.

LEXONI GJITHASHTU

• Kajsiu: Loja që po bën mazhoranca për të dëmtuar opozitën dhe pse e do në shesh
• Revoltohet Klevis Balliu: Të mos ua lëmë Shqipërinë këtyre që mbushin xhepat