Kokaina kishte si destinacion portin e Durrësit, u nis nga Kolumbia

Anija “Unistream”, në të cilën u gjendën mëngjesin e sotëm mbi 50 kg kokainë, kishte si destinacion portin e Durrësit.

Në dokumentet e siguruara nga Euronews Albania, anija ishte nisur nga Barranquilla në Kolumbi në 26 prill dhe është ankoruar në Portin e Durrësit një ditë më parë.

Anija që transporton qymyr është në pronësi të një kompanie gjermane, “Unistream GMHB &CO KG”.

Kjo e fundit ka në total 27 anije, por vetëm njëra prej tyre është ankoruar në portin shqiptar.

Kapiteni i anijes është me shtetësi ruse, por deri më tani nuk ka asnjë të ndaluar.

Kokaina u gjet mëngjesin e sotëm, e ndara në 2 çanta mes 6 500 ton qymyr që ndodhej në anije.

LEXONI GJITHASHTU:

• Kapet mbi 50 kg kokainë në portin e Durrësit