Kokaina në lëkurët e kafshëve, Apeli i GJKKO lë në fuqi masat e sigurisë

Apeli i GJKKO ka lënë në fuqi masat e sigurisë “arrest me burg” për 10 anëtarët e grupit kriminal të dyshuar për trafikun e kokainës në lëkurën e kafshëve, pas shqyrtimit të ankimit për një masë më të butë sigurie.

Në operacionin e zhvilluar më 15 nëntor, u arrestuan gjithsej 10 persona, përfshirë tre shtetas të huaj, dy venezuelianë dhe një kolumbian, të cilët dyshohet se ishin pjesë e grupit që do të realizonte ndarjen e kokainës nga lëkura e bagëtive.

Ndërkohë, kokaina e shkrirë në lëkurën e gjedhit, e sekuestruar brenda një laboratori të sofistikuar të drogës në Qerekë të Fushë-Krujës, ka kaluar për analiza. Ato do të përcaktojnë saktësisht sasinë e lëndës narkotike që mund të ekstraktohej nga ndarja e 48 tonëve të lëkurës së gjedhit.

Ky operacion ka zbuluar një metodë të sofistikuar për trafikimin e kokainës nga vendet e Amerikës Latine drejt Shqipërisë.

LEXONI GJITHASHTU: 

• Kosovë, kapen qindra kilogramë kokainë në një kontejner që vinte nga Shqipëria
• SPAK kërkoi pushimin e çështjes për Çekajn: Gjyqtari nuk del me vendim, çfarë kërkoi