“Kolegji europian së shpejti në Shqipëri”, Varhelyi: Na duhet vetëm një vend i bukur

Komisioneri europian Oliver Varhelyi tha se së shpejti Kolegji i Europës do të jetë në Shqipëri.

Gjatë fjalës së tij në konferencën e përbashkët me Edi Ramën dhe Joseph Borrell, zyrtari i lartë i BE-së u shpreh se gjithçka ju duhet tani është një vend për kampusin.

“Jam shumë krenar të deklaroj, e kemi diskutuar dhe me Kolegjin e Europës, shpresoj që dhe ata ta konfirmojnë, se do të jemi në gjendje të nisim procesin e pranimeve që në shtator të këtij viti. E vetmja për të cilën kemi nevojë tashmë është një ndërtesë, një vend i bukur ku kolegji të mund të vendoset dhe ne do të ofrojmë financimin për këtë,” – u shpreh Varhelyi.

Ai inkurajoi të shtohet puna, në mënyrë që ky projekt të marrë jetë sa më shpejt.

LEXONI GJITHASHTU:

• “1 mld euro për energjinë”, Varhelyi: Lehtësitë duhet të ndihen te njerëzit
• Sali Berisha non grata në BE? Borrell: Nuk kemi informacion