Kolegji vendos përsëritjen e zgjedhjeve në Rrogozhinë, reagon kandidati i BF

Kandidati i koalicionit “Bashkë Fitojmë” për kryebashkiak i Rrogozhinës në zgjedhjet e 14 majit, Shkëlqim Hoxha ka reaguar pas vendimit të Kolegjit Zgjedhor për të përsëritur zgjedhjet.

Fituesi i pozicionit të kryetarit të bashkisë Rrogozhinë u shpall Edision Memolla nga Partia Socialiste.

Sipas Hoxhës, ky është një rikthim i vullnetit të lirë të populli sovran, sepse siç thotë ai, zgjedhjen për Rrogozhinën duhet ta bëjnë qytetarët pa manipulime dhe vota të tjetërsuara.

Deklarata e plotë:

Motra dhe vëllezër, banorë të Rrogozhinës!

Nuk u ndalem kundrejt padrejtësive dhe ja ku jemi përsëri duke e kthyer edhe njëherë vullnetin e lirë tek populli sovran. Zgjedhjen për Bashkinë e Rrogozhinës duhet ta bëni JU, pa manipulime, pa vota të tjetërsuara e banorë extra në Rrogozhinë.

Beteja ligjore na dha të drejtë duke vendosur për rivotim dhe beteja jonë për Rrogozhinën vazhdon…

Çdo përpjekje, çdo sakrificë e ekipit tonë u bë për të respektuar vullnetin tuaj, për tu përballur me padrejtësitë.

Ne jemi gati, edhe njëherë, bashkojmë forcat dhe shkojmë për ndryshimin e Rrogozhinës!

LEXONI GJITHASHTU:

• Zyrtare! Përsëriten zgjedhjet në Rrogozhinë
• Aksident i rëndë në Rrogozhinë, makina merr përpara dy fëmijë të mitur