Komisionerja për Shëndetësi: BE-ja të përgatitet për një valë të re pandemie

Vjeshtë-dimri mund të sjellë një valë të re të pandemisë së Covid-19. Ky është paralajmërimi më i fundit i dalë nga Komisioni E uropian për të gjtha vendët nëtare të BE.

Deklarata u bë këtë të hënë nga shefja për shëndetësi e bllokut, duke theksuar se ka pasur një “rritje shqetësuese” të infektimeve të qytetarëve nga koronavirusi.

Komisionerja për Shëndetësi dhe Siguri Ushqimore e BE-së, Stella Kyriakides, njoftoi gjithahstu se se nuk ka vend për vetëkënaqësi, pasi pandemia ende nuk ka përfunduar.

“Fatkeqësisht, pandemia ka treguar rritje shqetësuese në disa shtete”, pohoi ajo për radion shtetërore të Qipros.

“Në dy muajt e fundit, ne jemi duke u përgatitur për vjeshtën dhe dimrin, të vetëdijshëm plotësisht se vala e re e pandemisë nuk mund dhe nuk duhet të rëndojë edhe më shumë ekonomitë dhe shoqëritë tona, veçanërisht në kohën kur ato janë prekur nga pushtimi rus i Ukrainës dhe inflacioni”, tha ajo.

Kyriakides i tha radios komëtare të Qipros se se Komisioni Evropian u ka kërkuar shteteve anëtare që të përshpejtojnë vaksinimin me doza përforcuese të popullsisë mbi 60 vjeç dhe të grupeve të ndjeshme.