Komisioni i Ligjeve rrëzon kërkesën e opozitës për shkarkimin e Presidentit Begaj

Komisioni i Ligjeve ka rrëzuar kërkesën e opozitës për shkarkimin e presidentit Begaj. Rrëzimi i kërkesës erdhi si rezultat i 9 votave kundër dhe 5 votave pro.

Gjatë mbledhjes, Ulsi Manja deklaroi se kërkesa për shkarkimin e presidentit nuk mbështetet.

“Kërkesa juaj do të ndërpritet këtu. Ne nuk e mbështesim kërkesën tuaj dhe do ta rrëzojme këtë kërkesë, pastaj raporti i Komisionit të Ligjeve ti përcillet seancës plenare”, tha Manja.

Në kundër përgjigjie, deputeti i PD, Oerd Bylykbashi tha se: “Do ishte hile e madhe të kërkoni shkarkimin e presidentit. Do ishte thikë pas shpine që ju nuk e mbani dot, shqiptarët e gjykojnë çfarë bëni ju”.