Komisioni Rregullator shpall rezultatin përfundimtar të zgjedhjeve të 11 majit

Me 3 vota pro dhe 2 kundër, Komisioni Rregullator ka shpallur rezultatin përfundimtar të zgjedhjeve të 11 majit.

Ky vendim vjen pas shqyrtimit të të gjitha ankesave dhe procedurave ligjore, duke konfirmuar përfundimisht rezultatet e procesit zgjedhor.

Seanca e shpalljes u shoqërua me debate mes përfaqësuesve ligjorë të dy forcave kryesore parlamentare. Përfaqësuesi i Partisë Demokratike, Franc Nuri, deklaroi se zgjedhjet nuk ishin të lira dhe të ndershme, duke i bërë thirrje Komisionit që të mos certifikojë rezultatin përfundimtar. Ai i cilësoi zgjedhjet si një “farsë elektorale” dhe akuzoi makinerinë shtetërore për manipulim, blerje dhe tjetërsim të votës së lirë.

Nga ana tjetër, përfaqësuesja e Partisë Socialiste, Elena Xhina, hodhi poshtë pretendimet e PD-së, duke theksuar se zgjedhjet ishin të lira dhe të ligjshme.

Komisioni Rregullator shpalli rezultatin bazuar në tabelat përmbledhëse të deputetëve, të certifikuara më herët nga KQZ dhe vendimet e KAS dhe Kolegjit Zgjedhor. Ndarja e mandateve është si më poshtë:

• PS: 83 mandate
• PD: 50 mandate
• PSD: 3 mandate
• Partia Mudnësia: 2 mandate
• Shqipëria Bëhet: 1 mandat
• Lëvizja Bashkë: 1 mandat

LEXONI GJITHASHTU:

• Kolegji Zgjedhor merr vendimin, kush e merr mandatin e “Shqipëria Bëhet”
• Berisha akuza kreut të SPAK: Mashtroi lidhur me paditë e PD për zgjedhjet e 11 majit