“Komunikimi me Trump do mjeshtëri”- Poroshenko kritika Zelenskyt: Jam gati të…

Ish-presidenti ukrainas Petro Poroshenko ka ndërhyrë në debatin në rritje midis Donald Trump dhe Volodymyr Zelenskyy-t, duke kërkuar një qasje më të butë dhe diplomatike në marrëdhëniet me SHBA-në.

Poroshenko shërbeu si president nga viti 2014 deri në 2019 dhe tani është lider i opozitës në parlament.

Ai mbetet një rival politik i Zelenskyy-t, të cilin presidenti aktual i Ukrainës e mundi me 75% të votave në zgjedhjet e vitit 2019.

Duke folur mbi tensionet e fundit midis Ukrainës dhe SHBA-së, Poroshenko i sugjeroi Zelenskyy-t të shmangë një qasje konfrontuese në komunikimin me Trump.

“Kjo formë e përballjes nuk është në favor të Ukrainës, pavarësisht se sa bindëse mund të jenë argumentet,” tha ai.

“Diskutimet me Trump kërkojnë mjeshtëri diplomatike, durim dhe qetësi për të mos reaguar ndaj çdo deklarate të tij.”

Ai gjithashtu shprehu gatishmërinë për të ndërhyrë në diplomaci, duke shtuar: “Jam gati të shkoj në Bruksel apo edhe në Uashington për të shpëtuar situatën.”

Ndërkohë, siç raportuam më herët, Zelenskyy i kishte shprehur të dërguarit amerikan për Ukrainën dhe Rusinë, Keith Kellogg, gatishmërinë e vendit të tij për të punuar me shpejtësi në arritjen e një marrëveshjeje të fortë mbi investimet dhe sigurinë me SHBA-në.

Megjithatë, konferenca e planifikuar për shtyp mes tyre u anulua në minutën e fundit.

LEXONI GJITHASHTU:

• Si refuzimi i dhënies së mineralve të rralla e futi Zelensky-n në një luftë me Trump
• “Po flinte, kur i shkoi Bassent! Nuk e priti”- Trump vijon sulmet ndaj Zelenskyt
• Trump për Zelenskyn: Një komedian bindi SHBA të shpenzonte 350 mld për një luftë…