Koncerte edhe në gusht, grupi argjentinas sjell atmosferë në kryeqytet

Mbrëmjen e 23 Korrikut në Spectapolis në Stadiumin Selman Stërmasi ka performuar La Fanfarria del Capitan, grupi i njohur për energjinë e tyre të pashtershme dhe përzierjen unike të zhanreve muzikore.

Ky grup argjentinas solli kombiminimin e veçantë të rock-ut, latines dhe muzikës ballkanike, duke krijuar një atmosferë festive dhe të mbushur me energji.

Por jo vetëm korriku pasi dhe muaji gusht do të jetë i mbushur me festivale, ku do të performojnë këngëtarë nga Shqipëria e nga bota.

Uarda Koçi, organizatore eventesh bëri të ditur se gjatë muajit gusht priten aktivitete të tjera.

“Gushti do të jetë po kaq i larmishëm, do të jetë një gusht i nxehtë, për të gjithë ata që nuk do të shkojnë me pushime, nuk duhet të pendohen sepse kanë ça bëjnë në Tiranë”-tha ajo.

Atmosfera në kryeqytet do të jetë festive deri më datë 31 gusht, ku do të performojë live Dire Straits Legacy.

LEXONI GJITHASHTU:

• Starton MIK Festival| Dy koncerte në korçë, Radoja dhe Ahmeti ndezin atmosferën
• Kryezona e Shkodrës… ku futbolli do të bëhet njësh, me koncertet e verës