Kryeministri Rama, gjatë konferencës kombëtare për arsimin e lartë ku u prezantua Dokumenti i Politikave të Arsimit të Lartë 2030, u ndal te vizioni për të përafruar standardet e arsimit të lartë shqiptar me ato të Bashkimit Europian.
Ai gjithashtu ka theksuar se po ndërtohet një realitet i ri akademik duke shtuar dhe ambiciet për vitin 2030 lidhur me fushën e arsimit.
“10 vite më parë kishim një fazë barbare me universitete. Kemi zgjeruar 2 fish arsimin e lartë. Kemi 5 fishuar buxhetin për kërkimin shkencor dhe duhet të synojë doktoratura të niveleve europiane
Nga ana tjetër, nuk bëhet një sforco e mjaftueshme për rritjen e cilësisë së stafit akademik. Të gjithë jemi në funksion të studentëve por kjo kalon medoemos përmes rritjes së cilësisë së stafit akademik”, shtoi Rama.
Kryeministri u ndal gjithashtu te evoluimi dhe rritja e cilësisë te Universitetit Bujqësor. Ai tha se deri në vitit 2030 diplomat e Bujqësorit do të jenë të barazvlefshme me diplomat e Universitetit të Bokut në Vienë.
“Një nga zhvillimet më të bukura që ne po përjetojmë është zhvillimi në universitetin bujqësor, ai dukej si realitet i destinuar që të mbetej si një lloj kampo refugjatësh që nuk arrinin dot të arrinin botën universitare dhe të mblidheshin te bujqësori me pesa. Ne arritën që ta fusim bujqësorin në trajektore komplet tjetër.Deri në 2030 diplomat e bujqësorit të jenë si diplomat e Bokut të Vienës, dhe anasjelltas.
Po ndërtohet një realitet i ri akadameik përmes partneritetit me Universitetit të Bokut në Vjenë. Deri në 2030 kemi ambicien që diplomat e Universitetit Bujqësor në Tiranë të jenë diplomat e BOKU-t në Vjenë”, tha kryeministri Rama.
LEXONI GJITHASHTU:
- Rama: Alex Soros dhe i ati kanë qenë dhe do të jenë miqtë e mi
- Rama: Vota e diasporës, vendimtare për Shqipërinë 2030 dhe integrimin në BE
