Policia e Pogradecit ka arrestuar një 44-vjeçar, i cili ishte i pranishëm gjatë ngjarjes së ndodhur më datë 29 mars 2025 në lagjen nr. 3 të Pogradec, ku një person u plagos me mjet prerës.

I përfshirë në ngjarje ishte shtetasi me iniciale M. T., 36 vjeç, i cili mbeti i plagosur, dhe në vijim u arrestua shtetasi me iniciale L. O. për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”.  Po ashtu, u procedua penalisht shtetasi A. B., për “Përkrahja e autorit të krimit”.

Gjatë hetimeve, u zbulua se 44 vjeçari Simon Jesku ishte prezent në momentin që ka ndodhur ngjarja, i cili është larguar  me automjetin me të cilin u largua dhe autori nga vendi i ngjarjes.

Simon Jesku kishte shkelur masën e sigurisë “Arrest në shtëpi”, të caktuar nga Gjykata e Korçës për veprën penale “Drejtimi i mjetit në mënyrë të parregullt”.

Pas arrestimit, Jesku  është dërguar në Komisariatin e Policisë Pogradec dhe është arrestuar për veprën penale “Largimi i të burgosurit nga vendi i qëndrimit”.

Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprat penale “Largimi i të burgosurit nga vendi i qëndrimit.

LEXONI GJITHASHTU:

• “TVSH do të ulet në 15%”, Berisha prezanton pikat e programit ekonomik të PD
• Nxirret automjeti i fundosur në Lituani, ushtarët amerikanë ende të zhdukur